Armita, 15 richin ri ik’ Julio. (AGN).- Ri Chitüy richin Ajmeb’ (Mineco), chuwäch ri Karina Donis, samajel richin ri Dirección chin Atención chuqa’ Asistencia al Consumidor (Diaco), xuk’ut ri luq’ij re’ jun sujunïk ruma especulación pa ruwi’ ri rajil ri jiq’ob’äl chuqa’ wachichaj.

Toq xapon pa rachochil ri Chitüy Saqaq’atb’äl Tzij, chi la’ pa tinamït Gerona, ri kamöl b’ey richin ri Diaco xuq’alajarisaj:

Niqak’ut apo jun sujunïk chi kij ri winaqi’ ri kichapon rub’anik especular rajil ri wachichaj chuqa’ jiq’ob’äl. K’in ri tikojil ri kan janila’ xejote’ rajil pa ruk’isb’äl chi re’ ri ik’ junio chuqa’ pa rutikirb’äl ri ik’ julio.

Jujun chi ke’ ri tikojil, ja ri’, ri ixkoya’, xnakät, k’ïx, ruk’u’x ichaj, oj, saqwäch. Nub’ij ri Diaco, achike’ je’ xtikib’än especular k’in ri rajil ri jalawas, jiq’ob’äl chuqa’ wachichaj rik’in jub’a’ xtikib’än enfrentar xketz’a pe oxi’ juna’ pa che’ chuqa’ jun tojb’äl mak ri reqalem jun oxi’ mil manq’uq’.

Nikich’ojij rusijol samaj

Ri rusamajel ri Diaco xub’än detallar chi xkib’än solicitar chupam ri sujunïk rusijo samaj chi ke’ jalajöj taq instituciones ri xketon chub’anïk amplificar rutz’etïk chuqa’ ruk’uwaxïk ri pista chin ri autores ri nkib’än especular ri ajil.

Chupam ri sujunïk nikik’utuj jun rusijol samaj chi re’ ri Superintendencia richin Administración Tributaria (SAT), ke ri’ chuqa’ chi ke’ ri q’atb’äl tzij chuqa’ cooperativas ruma rajil ri canasta básica.

Xech’ojïx rusijol samaj chi re’ ri SAT; Chitüy richin Ajtiko’n, awajb’äl chuqa’ Rikilal (MAGA); Instituto richin Cooperativas, chuqa’ ri q’atb’äl taq tzij richin Armita chuqa’ Villa Nueva.

Chi ke’ ri q’atöy taq tzij nich’ojïx jun choltzij kichin inquilinos richin ri taq k’ayb’äl mayoristas chin ri Central richin Mayoreo (Cenma) chuqa’ richin k’ayb’äl chin ri Terminal.

Ri xe’ilitäj

Ri samajel xub’ij chi ri’ sujunïk xtiya’ox apo chi rij ri hallarzgos richin jalajöj taq operativos ri xeb’anatäj qub’ixir kan pa Cenma, zona 12, chuqa’ ri k’ayb’äl Terminal, chi la’ pa zona 4.

Ri Diaco nuk’üt sujunïk mak chi kij ri entidades richin ri cadenas chi comercialización richin jalawas ri e k’atzinel, jiq’ob’äl chuqa’ wachichaj pa Chitüy Saqaq’atb’äl Tzij. Ri taq opetativos xkik’üt hallazgos ri janila rejqalem.

Ri taq operativos xeb’an liderar ruma ri Herbert Ordóñez, k’amöl b’ey richin ruchajixïk chuqa’ runik’oxïk richin ri Diaco. Pa jun chi re’ ri operativos re’, xub’ij.

Yeb’an jutaqil operativos richin nitz’etetäj pa taq k’ayb’äl, k’ayijay richin ri tinamït tikojil richin ri canasta básica, chupam ri ramajil re’ qachapon rutz’etïk ri mayoristas.

Chupam ri operativo xkib’än participar ri rusamajela’ ri MAGA, Chitüy Ajmeb’ chuqa’ ri Diaco.

El Ministerio de Economía, a través de Karina Donis, directora de @diaco_gt, presenta denuncia penal contra entidades de la cadena de comercialización de Granos Básicos, frutas y verduras en el Ministerio Público. Los operativos conjuntos revelaron hallazgos significativos. 1/2 pic.twitter.com/Q3IbSjuSeX

— Ministerio Economía (@MINECOGT) July 15, 2024

Operativo pa luch’b’ey

Kan ja qa’ toq’a’ richin ri wiq’ij k’a ja ri xsaqär richin ri saq’ij 13 richin ri ik’ julio, k’amöy taq b’ey xkib’än jun operativo interinstitucional richin nitz’etetäj ri mirejqanel ri nikik’uwaj wachichaj, jiq’ob’äl chuqa’ jalawas pa taq k’ayb’äl pa tinamital richin Armita chuqa’ B’ulb’ux ya’.

Re re’ ruma ri nïm jotol rajil chupam ri ruk’isb’äl taq wuqq’ij, ri janila e ruk’ayewan miles taq Aj Iximulew.

Ri b’ab’al xkoje’ rukojlib’äl pa Puestos richin Control Interinstitucional, ri k’o pa kilómetro 75.4 richin ri ruta Interamericana, chi la’ Patzicía, B’oko’. Pa ri k’ojlib’äl xeb’apon samajela’ richin ri Diaco, SAT chuqa’ richin ri chitüy richin Ajq’atatzij, Ajpokob’, Ajtiko’n chuqa’ saqaq’atb’äl tzij.

En español:

Diaco lidera acciones penales por especulación de precios en frutas y verduras